सप्तरी । जिल्लाका विभिन्न स्थानहरूमा गत माघ १२ देखि २१ गतेसम्म चलेको नि:शुल्क आँखा जाँच तथा मोतिबिन्दु परीक्षण शिविरमा २ हजार चार सय पचार बिरामीको निःशुल्क आँखा परीक्षण गरिएको छ।
माघ २८ देखि ३० गतेसम्म तिलगंगा आँखा प्रतिष्ठानका नेत्र रोग विशेषज्ञहरूको टोलीद्वारा ५७५ जनाको मोतियाबिन्दु शल्यक्रिया र तीन जनाको आँखामा मासु पलाएको शल्यक्रिया नि:शुल्क गरिएको हो। शल्यक्रियाका लागि बिरामीहरूलाई तिलगंगा कन्चनरुप सर्जिकल आँखा केन्द्र रुपनगर र कृति सामुदायिक स्वास्थ्य उपचार केन्द्र मा ल्याएर उपचार प्रदान गरिएको थियो।
नेत्र विशेषज्ञहरूको नेतृत्वमा सफल शल्यक्रिया
शिविर वरिष्ठ नेत्र रोग विशेषज्ञ डा. रोजिता पराजुलीको नेतृत्वमा सम्पन्न भएको थियो। यस शिबिरमा डा. कौशल पोखरेल, डा. मोहिनी श्रेष्ठ, डा. सुजा गुरुङ लगायतका नेत्र रोग विशेषज्ञहरू संलग्न थिए। साथै, प्रोजेक्ट अफिसर हस्त राईको कमाण्डमा तिलगंगाको टिमले सफलतापूर्वक शल्यक्रिया शिबिर सम्पन्न गरेको थियाे ।
शिविरको आयोजनामा तिलगंगा आँखा प्रतिष्ठान, तिलगंगा कन्चनरुप सर्जिकल आँखा केन्द्र, कन्चनरुप नगरपालिका र कृति सामुदायिक स्वास्थ्य उपचार केन्द्रको संयुक्त सहकार्य रहेको थियो। साथै क्याेर ब्लाइन्डनेस प्राेजेक्टद्वारा आर्थिक सहयोग प्रदान गरिएको थियो।
बिरामीहरूको सुविधाका लागि उत्कृष्ट व्यवस्थापन
शिविर अवधिभर बिरामीहरूको सुविधाका लागि विभिन्न संघसंस्थाहरूको महत्त्वपूर्ण योगदान रहेको थियो। रात्रीबासको व्यवस्था रुपनगर आँप उत्पादक समूह द्वारा गरिएको थियो भने स्वयंसेवक व्यवस्थापन कन्चनरुप नगरपालिका-९ कार्यालयको समन्वयमा स्वास्थ्यकर्मी तथा महिला स्वास्थ्य स्वयंसेविकाहरूले गरेका थिए।
बिरामीहरूको भोजन व्यवस्थापन बिरामीहरूलाई खिचडी भोजन कन्चनरुप नगरपालिकाका मेयर र उपमेयरको तर्फबाट प्रदान गरिएको थियो। पिउने पानीको व्यवस्था मिथिला होटल एन्ड पार्टी प्यालेस ले गरेको थियो।
समुदायको ऐक्यबद्धता र सहभागिता
यस शिविरलाई सफल बनाउन स्थानीय बुद्धिजीवी, समाजसेवी, जनप्रतिनिधि, युवा, पत्रकार तथा नेपाल प्रहरी लगायत विभिन्न समुदायका व्यक्तिहरूले महत्वपूर्ण भूमिका निर्वाह गरेका थिए। शिविर अवधिभर स्थानीय युवाहरूको सकृय सहभागिता देखिएको थियो, जसले गर्दा बिरामीहरूलाई सहज र व्यवस्थित रूपमा सेवा प्रदान गर्न सहयोग पुर्याएको थियो। सानो सानो सहकार्यले उत्कृष्ट ब्यबस्थापन गर्दै तिलगंगा कन्चनरुप सर्जिकल आँखा केन्द्रको टिमले सफलताका साथ शिबिर सम्पन्न गरेको हो ।
सफा दृष्टिको लागि निरन्तर प्रयास
तिलगंगा आँखा प्रतिष्ठान तथा तिलगंगा कन्चनरुप सर्जिकल आँखा केन्द्रले लामो समयदेखि ग्रामीण भेगका आँखाका बिरामीहरूका लागि निःशुल्क सेवा प्रदान गर्दै आइरहेको छ। यस शिविरबाट उपचार पाएका बिरामीहरूले आफ्नो दृष्टि पुनः प्राप्त गर्न सकेकोमा खुशी व्यक्त गरेका छन्। आयोजक संस्थाहरूले पनि भविष्यमा यस्ता सेवाहरू निरन्तर प्रदान गरिरहने प्रतिबद्धता व्यक्त जनाएका छन् ।
