–ईस्वरी थापा
ललितपुर । छोरीका लागि छोरी संस्था केन्द्रीय परामर्श विभागले ११५ औँ अन्तर्राष्ट्रिय नारी दिवशका अवसरमा अन्तरक्रिया कार्यक्रम आयोजना गरेकाे छ ।
यस वर्षका सबै महिला र बालबालिकाका लागि अधिकार, समानता र सशक्तिकरण नाराका साथ छहारी सस्था नेपालको सह-संयोजकत्वमा विभिन्न सामाजिक कार्यहरूमा सम्लग्न अनुभवी व्यक्तिहरूसँग अन्तरक्रिया आयोजना गरिएकाे हाे ।
कार्यक्रमकी प्रमुख अतिथि प्राध्यापक मिरा प्रधानले एउटी महिलाको प्रत्यक्ष पीडा महिलाले मात्र अनुभव गर्न सक्ने तर अरुले अनुमान मात्र लगाउने बताउनुभयाे । उहाँले महिलामाथि हुने दुर्व्यवहार परास्त गर्नका लागि शिक्षाकाे महत्व ठूलाे रहेकाे बताउनुभयाे ।
सशक्तीकरणका लागि शिक्षा विषयमा जिल्ला प्रहरी परिषद जावलाखेलकी प्रमुख निर्देशक बसन्ता घिमिरेले महिलालाई गरिने दुर्व्यवहार, जवरजस्ती करणी, सामाजिक सञ्जालमाथि गरिने गाली गलौज तथा घरेलु हिंसालाई अन्त्य गर्न ८ मार्चकाे भन्दा शिक्षाकाे महत्व बढी भएकाे बताउनुभयाे । ८ मार्च कुर्ने र कार्यक्रम गर्ने भन्दा पनि शिक्षामा जाेड दिएर अघि बढेमा महिलामाथि हुने सबै किसिमका हिंसा र दुर्व्यवहारकाे अन्त्य हुन सक्ने उहाँकाे भनाइ छ ।
त्यस्तै, अधिवक्ता इन्दिरा पौडेल न्यौपानेले नारी दिवस र एकल महिला विषयमा प्रस्तुति दिनुभएकाे थियाे भने अस्मिता पत्रिकाकी कार्यकारी निर्देशक सरिता श्रेष्ठले महिला सञ्चार विषयमा प्रस्तुति दिनु भएको थियाे ।
कार्यक्रममा थ्री स्टार म्युजिक र फिल्मी अवार्ड प्राप्त निशा घिमिरेले सांगीतिक प्रस्तुति दिनुभएकाे थियाे ।
कुर्मराज आचार्यले सुशासन र भ्रष्टाचार विषयमा कविता प्रस्तुत गर्नु भएको उक्त कार्यक्रमका अतिथिहरुले सहभागीहरुको जिज्ञासा समाधान गरेका थिए ।
कार्यक्रममा संस्थाका सदस्यहरुको योगदानको कदर गर्दै सम्मान गरिएको थियो ।
संस्थाकी अध्यक्ष बसुधा बस्नेत पाण्डेकाे अध्यक्षतामा सम्पन्न कार्यक्रममा विभिन्न संघ संस्थामा आवद्ध सामाजिक कार्यकर्ता, कलाकार, पत्रकार, प्राध्यापक, सुरक्षाकर्मी, शिक्षक तथा विद्यार्थीहरूकाे उपस्थिति रहेकाे थियाे ।
कार्यक्रमकाे सञ्चालन सरिता प्रजापतिले गर्नुभएकाे थियाे ।
