काठमाडौं । भाेलि १४ फेब्रुअरी अर्थात प्रणय दिवस विश्वभर आपसमा प्रेम–सद्भाव साटासाट गरी मनाइँदैछ । प्रणय दिवसको अवसरमा आ–आफ्ना प्रेमी–प्रेमिकालाई विभिन्न उपहार प्रदान गरी प्रेम–सद्भाव साटासाट गर्ने प्रचलन रहेको छ ।
विशेषगरी यस दिवसमा गुलाफको फूल उपहार दिएर प्रेम आदान प्रदान गर्ने गरिएको छ । युवा पुस्तामा बढी लोकप्रिय रहेको यो दिवसमा नयाँ प्रेमी–प्रेमीकाले प्रेम प्रस्ताव राख्ने दिनका रुपमा पनि लिने गरेका छन् ।
प्रेमका पक्षधर सन्त भ्यालेन्टाइनलाई मृत्युदण्ड दिएको सम्झनामा हरेक वर्षको फेब्रुअरी १४ मा प्रणय दिवस मनाउन थालिएको हो । भ्यालेन्टाइन डेलाई यसरी यादगार बनाउन सकिन्छ ।
१. एक अर्कासँग समय बिताउनुहोस् ।
२. दिनको सुरुवात र अत्यलाई विशेष बनाउनका लागि प्रेमी–प्रेमीकालाई मन पर्ने क्रियाकलाप गर्नुहोस् । जसले प्रेम सम्बन्धमा एकदमै प्रगाढता आउँछ ।
३. फूलले मानिसलाई सकारात्म प्रभाव पार्छ । त्यसकारण पनि वातावरणलाई रोमान्टिक बनाउनुहोस् ।
४. प्रेमी–प्रेमीकालाई खुशी बनाउन विशेष योजना बनाउनुहाेस् । प्रेमी–प्रेमीकालाई मनपर्ने ठाउँमा घुमाउन लैजानुस् र उनीसँग समय बिताउनुस् ।
५. प्रेम दिवसको अवसरमा रोमान्टिक कविता वा गीत लेख्नाले प्रेमी–प्रेमीकाले एकदमै स्पेशल फिल गर्छन् । गीत र कविताले त्यहाँको माहोललाई नै दमदार बनाइदिन्छ ।
६. प्रेमी–प्रेमीकाले एकअर्कालाई खुशी पार्नका लागि दुबैलाई मनपर्ने काम गर्नुहोस् । आजको दिनमात्र भएपछि एकअर्कालाई मनपर्ने काम गर्नाले दुवैबीचको प्रेम अझ प्रगाढ बन्छ ।
७. सरप्राइज सबैलाई मनपर्छ । त्यसकारण आफ्नो प्रेमी–प्रेमीकालाई सरप्राइज दिनु उचित मानिन्छ ।
