१

नियतिको झटारोले मलाई मात्र हान्छ किन ?
जिन्दगीले दुःख पीडा मलाई मात्र दिन्छ किन ?
दुःख पछि अवश्य पनि सुख मिल्छ भन्छन्
म दुखीलाई  दुःख पछि दुःखै मात्र मिल्छ किन ?
२
हर्ष, आँशु अनि रोदनको मेल हो जिन्दगी।
दुःख, सुख अनि संघर्षको खेल हो जिन्दगी ।।
सकारात्मक सोच अनि सन्तुष्ट हुन सकेमा
अद्भुत आनन्द अनि खुशीको भेल हो जिन्दगी ।।।
३
गर सक्छौ गर्न प्रगति खुट्टा तान्छौ किन ?
अरूको उन्नति भयो हार तिमी खान्छौ किन ?
भलाइ र असल कर्मले महान बन्न सक्छौ
कुकर्मको बाटो खोजी उतैतिर जान्छौ किन ?
४
म र मेरो भन्ने स्वार्थ छोडी हामी र हाम्रो भन्न सिक
असभ्य र भष्ट होइन सभ्य र स्वाभिमान बन्न सिक
त्यागी बन्न सके मरेर गए पनि अमर रहने छौ
देशका लागि बलिदान दिने ती अमर शहीदबाट सिक
–सुस्मा पन्त मैनाली